Boothroyd nýr stjóri Arons Einars

Coventry heldur í dag blaðamannafund þar sem búist er við að Aidy Boothroyd verði kynntur til sögunnar sem nýr knattspyrnustjóri liðsins.

Hann og Steve Cotterill voru helst orðaðir við stöðuna en Chris Coleman var rekinn frá félaginu eftir að tímabilinu í ensku B-deildinni lauk fyrr í mánuðinum.

Aron Einar Gunnarsson er á mála hjá Coventry og hefur verið lykilmaður í liðinu undanfarin tvö ár.

Boothroyd þjálfaði síðast lið Colchester en hann hefur áður til að mynda stýrt Watford. Undir hans stjórn náði Colchester áttunda sæti ensku C-deildarinnar.