John Terry: Reynir að þagga niður í fleiri hjákonum

Hin franska Vanessa Peroncell er ekki sú eina sem knattspyrnustjarnan John Terry ætlar að borga fyrir að þegja um ástarsamband sitt við hann. Eftir því sem fram kemur í breska sunnudagsblaðinu News of the World þá eru stúlkurnar í það minnsta fjórar í viðbót.

Heimildarmaður blaðsins segir að Terry hafi greitt Perroncell rúmlega 200 milljónir króna fyrir að segja ekki eitt orð um samband þeirra og jafnframt að hann ætli að eyða miklum tíma í að múta öðrum stúlkum sem hann hefur átt í í ástarsambandi við til að þegja.

Svo virðist sem vandræði Terry ætli engan enda að taka því blaðið greinir einnig frá því að hann hafi eytt nótt með sjónvarpsstjörnunni Orlaith McAllister í lok árs 2005, á sama tíma og kona hans var ólétt af tvíburum.