Hár verðmiði á Fabiano

Brasilíski framherjinn Luis Fabiano er ekki ókeypis og það hafa forráðamenn Tottenham fengið að vita. Sevilla hefur komið þeim skilaboðum áleiðis til félagsins að ef það vilji kaupa leikmanninn verði félagið að punga út 36,5 milljónum evra.

Spurs hefur verið á eftir leikmanninumm í nokkurn tíma og Daniel Levy, stjórnarformaður Spurs, er sagður vera til í brjóta launastefnu félagsins svo hann fái framherjann.

Levy er sagður vera til í að greiða honum 120 þúsund pund í vikulaun. Þá yrði Fabiano launahæsti leikmaður í sögu Tottenham.

Sjálfur vill Fabiano fá 145 þúsund pund í vikulaun en það fær hann tæplega í gegn.