Heyskapur hafinn á Þorvaldseyri

Heyskapur hófst í dag á Þorvaldseyri, þeim bæ sem mátti hefur þola hvað mest öskufall úr Eyjafjallajökli. Ólafur Eggertsson bóndi segir stórkostlega hluti vera að gerast í framvindu gróðursins og íhugar nú að falla frá fyrri ákvörðun um að gera hlé á búskap.

Sérfræðingar frá Bændasamtökum Íslands og Búnaðarsambandi Suðurlands voru mættir til að fylgjast með og taka sýni af heyinu en efnainnihald þess verður nú rannsakað. Bóndanum virtist það bæði næringarríkt og vel sprottið og athygli vekur að eldgosið hefur ekki seinkað fyrsta slætti.

Öskulagið á túninu er fimm sentímetra þykkt og kúnum á Þorvaldseyri hefur þvi ekki enn verið hleypt út úr fjósinu.