Ein stelpa fyrir hvert ár hjá King

Það voru fleiri en Hjörvar Hafliðason sem héldu upp á þritugsafmælið með stæl um síðustu helgi. Ledley King, varnarmaður Tottenham, var með rándýrt kampavínspartý fyrir félaga sína.

Það fór fram á hóteli og byrjaði rólega. Vinir King söfnuðu svo saman 30 ungum og lögulegum stúlkum, settu á þær armbönd svo þær kæmust í teitið en aðeins voru tíu strákar í teitinu.

"Þetta byrjaði mjög rólega með kvöldmat en svo fóru strákarnir í gang. Ledley fór upp í þakíbúðina með félaga sínum á meðan vinir þeirra settu armbönd á allar sætustu stelpurnar á svæðinu," sagði starfsmaður hótelsins.

"Það voru tveir öryggisverðir fyrir utan íbúðina sem pössuðu upp á að aðeins stelpur með armbönd kæmust inn. Þetta voru 30 stelpur, ein stelpa fyrir hvert ár."