22 marka munur á efsta og neðsta liðinu

Chelsea trónir á toppi ensku úrvalsdeildarinnar eftir tvær umferðir á markatölu. Liðið hefur skorað tólf mörk, sex í hvorum leik sem það hefur spilað.

Það er aðeins annað uppi á teningnum hjá Wigan sem er í neðsta sæti, með tíu mörk í mínus eftir 6-0 og 4-0 töp. Það er því 22 marka mismunur á liðunum í efsta og neðsta sæti deildarinnar.

Leikmenn Chelsea skoruðu átta mörk í síðasta deildarleiknum á síðasta tímabili og halda áfram að raða inn mörkunum. Wigan var fórnarlambið þá líka og í þremur af síðustu tveimur deildarleikjum sínum hefur það því fengið á sig fjórtán mörk gegn Chelsea og alls átján mörk.