Margir veðurtepptir í Borgarnesi í nótt

Fjöldi manns, þeirra á meðal hátt í hundrað unglingar úr Víðistaðaskóla í Hafnarfirði á leið í skíðaferðalag, þurftu að gista í Borgarnesi í nótt vegna illviðris, sem geysaði á Vesturlandi í gærkvöldi.

Lögregla og Björgunarsveitamenn þurftu að aðstoða marga ökumenn í vandræðum undir Hafnarfjalli og norðan Borgarness var stórhríð. Veður er nú gengið niður á þessum slóðum og sömuleiðis á Vestfjörðum, en þar snjóaði fram á nótt og voru vegir farnir að lokast vegna ófærðar í gærkvöldi.

Lögregla og björgunarmenn frá Vík þurftu að aðstoða marga vegfarendru í illviðri í gærkvöldi, meðal annars erlenda ferðamenn, og fólk var flutt frá bænum Görðum undir Reynisfjalli, vegna snjóflóðahættu. Þar mun veður vera gegnið niður og ekkert varð úr illviðri, sem búist var við í Vestmannaeyjum í nótt. Þar unnu menn á snjóruðningstækjum í alla nótt, en óvenju mikið fannfergi var í bænum.

Björgunarsveitarmenn hafa verið að störfum í alla nótt á Reykjanesi við að aðstoða fólk í föstum bílum. Þegar mesta álagið var þurfti fólk að bíða allt upp í tvær klukkustundir í bílum sínum eftir aðstoð. Þar er veður gengið niður, en annars eru Vegagerðarmenn að stöfum um allt land.