Solskjær: Macheda þarf að halda áfram að skora

Gamla norska markamaskínan Ole Gunnar Solskjær, sem nú þjálfar varalið Man. Utd, segir að framherjinn Federico Macheda verði að halda áfram að skora með varaliðinu ef hann ætlar sér að komast í aðalliðið.

Varalið United lék gegn varaliði Arsenal í Dublin í gær. Þar yfirspilaði Arsenal lið United en vann leikinn aðeins 2-1. Macheda skoraði mark United.

"Þetta var fínt mark hjá honum. Hann hefur ekki spilað mikið þar sem hann hefur verið með aðalliðinu þar sem hann berst við marga framherja. Ég mun núna gefa Sir Alex skýrslu úr leiknum og það hjálpar leikmönnunum að skora því þá komast þeir í góðu bókina hjá stjóranum," sagði Solskjær sem hefur trú á Ítalanum.

Solskjær þekkir þessa baráttu Macheda vel en hann sat oft á bekknum hjá United þó svo hann hafi skorað reglulega.

Solskjær lék 235 leiki fyrir United og skoraði í þeim 91 mark.