Van Persie frá í þrjár vikur - Nistelrooy aftur í hollenska landsliðið

Robin van Persie, leikmaður Arsenal, verður frá í nokkrar vikur vegna ökklameiðsla. Þessu greinir hollenska knattspyrnusambandið frá í dag.

Van Persie var frá í fimm mánuði á síðasta tímabili vegna meiðsla á liðbandi í ökkla en hann sneri hinn ökklann í leiknum gegn Blackburn um helgina.

Hollenska sambandið sagði að Van Persie væri á leiðinni aftur heim eftir skoðun og að hann yrði líklega frá í um þrjár vikur.

Ruud Van Nistelrooy hefur verið kallaður inn í landsliðið í hans stað, í fyrsta sinn í tvö ár.