Bifreið fór ofan í Rauðavatn

Bíll fór ofan í vök á Rauðavatni um kvöldmatarleytið en ökumaðurinn var einn í bílnum. Hann hafði ekið út á ísinn og svo virðist sem hann hafi skyndilega gefið undan þunga bílsins þegar ökumaður hafði ekið um 30-40 metra frá bakkanum.

Að sögn varðstjóra lögreglunnar á höfuðborgarsvæðinu er ekki beinlínis ólöglegt að að fara út á ísinn á bílum en þarna er að öllu jöfnu útivistarsvæði og mikið af börnum að leik þegar vel viðrar.

Varðstjórinn bendir hinsvegar á að það sé vitaskuld varhugavert að aka bifreiðum á frosnum vötnum sem þessum.

Bíllinn er talsvert skemmdur en það þarf kranabíl til þess að hífa bílinn upp úr vökinni.