Jón Arnór skoraði 15 stig

Jón Arnór Stefánsson skoraði 15 stig í naumum sigri Granada gegn Cajasol í spænsku úrvalsdeildinni í körfuknattleik í dag. Granada sigraði 73-72 en þetta er aðeins annar sigur liðsins í sjö leikjum.

Jón Arnór gaf 4 stoðsendingar og tók 3 fráköst á þeim 23 mínútum sem hann lék. Íslenski landsliðsmaðurinn hitti úr þremur af alls átta þriggja stiga skotum sínum í leiknum, og hann hitti úr öllum fjórum vítaskotum sínum. Aðeins eitt af fjórum tveggja stiga skotum hans fór rétta leið.