Körfubolti

Hafa náð í leik­menn frá fjórum bestu liðunum

Óskar Ófeigur Jónsson skrifar
Jordan Semple og Dedrick Basile eigast hér við í lokaúrslitunum í vor en þeir verða samherjar á Álftanesi á komandi tímabili.
Jordan Semple og Dedrick Basile eigast hér við í lokaúrslitunum í vor en þeir verða samherjar á Álftanesi á komandi tímabili. Vísir/Anton

Álftnesingar hafa nú samið við fjóra leikmenn sem í fyrra fóru allir í undanúrslitin með öðrum liðum í Bónus-deildinni.

Jordan Semple kemur frá Grindavík, Dedrick Basile frá Tindastól, Luka Gasic frá Stjörnunni og Frank Aron Booker frá Val. Þessi fjögur lið spiluðu í undanúrslitunum en Álftanes komst ekki í úrslitakeppnina í vor.

Þegar meðaltölfræði þessara fjögurra leikmanna er lögð saman þá skilar hún 67,6 stigum, 28,3 fráköstum og 16,2 stoðsendingum í leik sem Álftnesingar hafa tekið frá bestu liðum Bónus-deildarinnar í fyrra.

Jordan Semple og Dedrick Basile voru líka báðir með fleiri stig að meðaltali í lokaúrslitunum heldur en í deildarkeppninni; Basile fór úr 17,6 stigum í deildarleikjum upp í 19,5 stig í leik í úrslitaeinvíginu en Semple fór úr 16,6 stigum í leik upp í 18,3 stig í leik í úrslitaeinvíginu.

  • Meðaltöl nýju leikmanna Álftnesinga:
  • Jordan Semple kemur fré Grindavík
  • 16,6 stig í leik
  • 10,2 fráköst í leik
  • 4,0 stoðsendingar í leik
  • Dedrick Basile kemur frá Tindastól
  • 17,6 stig í leik
  • 5,2 fráköst í leik
  • 7,2 stoðsendingar í leik
  • Luka Gasic kemur frá Stjörnunni
  • 19,8 stig í leik
  • 6,5 fráköst í leik
  • 3,1 stoðsending í leik
  • Frank Aron Booker kemur frá Val
  • 13,6 stig í leik
  • 6,4 fráköst í leik
  • 1,9 stoðsendingar í leik
Bónus-deild karla UMF Álftanes UMF Grindavík Tindastóll Valur Stjarnan

Mest lesið


Fleiri fréttir

Sjá meira


×

Mest lesið