Dunne tæpur fyrir bikarleikinn gegn Chelsea

Richard Dunne gat ekki klárað æfingu með Aston Villa nú í morgun en þetta er áhyggjuefni fyrir liðið sem mætir Chelsea í undanúrslitum FA-bikarsins á morgun.

Dunne hefur átt við meiðsli að stríða síðustu vikur. Góðu fréttirnar fyrir Villa eru þær að James Milner gat æft af krafti og ætti að vera klár í slaginn.

„Dunne mun gera allt sem hann getur til að spila þennan leik. Þetta eru leiðinda meiðsli í kálfa og við skulum sjá hvað gerist," sagði Martin O'Neill, knattspyrnustjóri Aston Villa.