Hodgson gæti hvílt Gerrard í kvöld

Roy Hodgson gæti hvílt lykilmenn Liverpool á borð við Steven Gerrard í leiknum gegn Trabzonspor í Evrópudeildinni í kvöld. Stjórinn setur úrvalsdeildina í forgang.

Liverpool á leik gegn Manchester City á mánudaginn og liðið leikur því þrjá leiki á átta dögum.

Líklegt er að Christian Poulsen og Fabio Aurelio verði í byrjunarliðinu, ásamt Joe Cole sem er á leið í leikbann í deildinni.

Gerrard gæti verið hvíldur að því er segir í staðarblaðinu Echo en Javier Mascherano er meiddur.

Leikurinn í kvöld er á Anfield og hefst klukkan 18.45. Hann er í beinni útsendingu á Stöð 2 Sport 3.