Jóhannes í Bónus skynjar ekki óánægju

„Skoðanakönnun sú, sem lesa má í netmiðlum í dag, þar sem lýst er að 80,1% aðspurðra séu frekar eða mjög andvíg því að ég, Jóhannes Jónsson, starfandi stjórnarformaður Haga, fái að kaupa allt að 10% hlut í Högum af Arion banka, er vægast sagt annað viðmót en ég finn fyrir í verslunum Haga," segir Jóhannes í fréttatilkynningu.

Jóhannes segir að það sé misskilningur að hann eignist 10% hlut í fyrirtækinu þegar það fer á markað í Kauphöll Íslands. Hið rétta sé að honum standi til boða að kaupa 10% hlut á sama verði og öðrum fjárfestum.

Þá segist Jóhannes þakklátur þeim stuðning sem hann fái frá fjölmörgum viðskiptavinum Haga.