Birkir Már: Algjört skítatap

„Þetta er í raun algjört skítatap,"sagði Birkir Már Sævarsson, leikmaður Íslenska landsliðsins, eftir tapið gegn Portúgal í kvöld. Íslenska landsliðið tapaði fyrir því Portúgalska ,1-3, á Laugardalsvelli í kvöld, en leikurinn var hluti af Undankeppni Evrópumótsins í knattspyrnu sem fram fer í Úkraínu og Póllandi árið 2012.

Portúgal skoraði tvö frábær mörk í leiknum sem fá lið hefðu getað varist, en Cristiano Ronaldo og Raul Meireles skoruðu sitthvort markið úr langskotum.

„Þeir skora tvö virkilega flott mörk og það var erfitt fyrir okkur að koma í veg fyrir þau," sagði Birkir.

„Þetta lið heldur boltanum svakalega vel og mjög erfitt að sækja á þá en við fengum nokkur ágæt færi úr föstum leikatriðum og með smá heppni hefðum við getað náð einhverju út úr leiknum," sagði Birkir.