Huang hættir við að kaupa Liverpool

Kenny Huang hefur hætt við að bjóða í Liverpool. Kínverjinn var talinn einna líklegastur til að fá félagið en hann hefur dregið sig frá viðræðunum.

Huang er milljarðamæringur sem hafði rætt við Liverpool um að kaupa félagið. Í gær sendi félagið sem stóð á bakvið kaupin svo frá sér yfirlýsingu.

Þar segir að það vonist eftir því að einhver kaupi félagið sem hafi efni á að borga upp skuldir þess, byggja nýjan leikvang og kaupa nýja leikmenn.

Það sé leitt yfir því hvernig fór en þetta bendir til þess að ekki nægir fjármunir hafi verið til staðar þegar á hólminn var komið.

Fleiri hafa sýnt Liverpool áhuga, meðal annars Yahya Kirdi.