Tilræðismanni páfa sleppt úr fangelsi

Tyrkinn Mehmet Ali Agca sem reyndi að myrða Jóhannes Pál páfa árið 1981 hefur verið látinn laus úr fangelsi. Agca særði páfa með skammbyssuskotum á Péturstorginu.

Jóhannes Páll særðist lífshættulega en komst þó til heilsu aftur. Agca var þá tuttugu og þriggja ára gamall og á flótta undan tyrkneskum yfirvöldum.

Hann sat nítján ár í ítölsku fangelsi en var þá náðaður og framseldur til Tyrklands. Þar var hann dæmdur í fangelsi fyrir morð á blaðamanni og tvö rán sem framin voru á sjöunda áratug síðustu aldar.

Honum hefur nú verið sleppt lausum eftir að hafa afplánað þann dóm. Aldrei hefur verið fyllilega upplýst hvers vegna Agca reyndi að myrða páfa.

Grunur um að Sovétríkin eða Búlgaría hefðu átt hlut að máli hefur aldrei fengist staðfestur.