Pétur Markan búinn að semja við Víkinga

Fjölnismaðurinn Pétur Georg Markan hefur ákveðið að segja skilið við Grafarvoginn og spila með nýliðum Víkings í Pepsi-deild karla næsta sumar. Pétur hefur gert þriggja ára samning við Víkinga en þetta kemur fram í fréttatilkynningu frá Knattspyrnudeild Víkings.

Pétur er með þessu að snúa til baka í heimahagana, en hann lék með Víking í yngri flokkum félagsins. Á síðustu leiktíð lék Pétur með Fjölni og skoraði 12 mörk í 24 leikjum í deild og bikar.

„Víkingar horfa björtum augum til framtíðar og er þessi styrking á leikmannahópnum fyrsta skrefið í að færa Víking í fremstu röð í íslenskri knattspyrnu," segir í fréttatilkynningu Víkinga.