Ekkert gagntilboð - senda kurteist svar til baka

Fundi stjórnar og stjórnarandstöðu í fjármálaráðuneytinu er nýlokið en þar kom fram að gagntilboð yrði ekki sent til Breta og Hollendinga að sinni. Aftur á móti hafi formenn flokkanna fallist á að senda kurteist svar til baka þar sem vilji Íslendinga til þess að senda samninganefndina aftur út er reifaður.

Bæði stjórnarflokkarnir og stjórnarandstaðan er sammála um að nýtt tilboð er ekki ásættanlegt. Það þurfi meira til.

Það voru þau Steingrímur J. Sigfússon, fjármálaráðherra, Bjarni Benediktsson, Sigmundur Davíð Guðlaugsson og Birgitta Jónsdóttir sem tjáðu sig við fjölmiðla fyrir utan forsætisráðuneytið. Össur Skarphéðinsson, utanríkisráðherra auk Jóhönnu Sigurðardóttur, forsætisráðherra, yfirgáfu ráðuneytið bakdyramegin og gáfu ekki færi á sér.