Erlent

Skildi haltan hund sinn eftir -myndband

Óli Tynes skrifar
Yfirvöld í Bretlandi leita nú að hundseiganda sem var að losa sig við haltan hund sinn. Atvikið náðist á eftirlitsmyndavél í Dorset.

Á myndbandinu má sjá manninn koma akandi og leggja bílnum. Hann stígur út og opnar afturdyrnar fyrir hundinn sem stekkur út. Þeir ganga svo yfir veginn og inn í trjábelti.

Örskömmu síðar kemur maðurinn aftur. Hann hraðar sér inn í bílinn og ekur á brott. Hundurinn stendur og horfir á eftir honum.

Dýraverndarsamtök hafa tekið hundinn að sér. Við broti af þessu tagi getur legið sex mánaða fangelsi og/eða 3,6 milljóna króna sekt. Myndband af þessum atburði má sjá á visir.is.



Mest lesið


Fleiri fréttir

Sjá meira


×

Mest lesið