Robbie Savage fór í markið hjá Derby

Robbie Savage þurfti að fara í markið hjá Derby í kvöld þegar liðið steinlá gegn Íslendingaliðinu Reading í ensku 1. deildinni 4-1.

Stephen Bywater, markvörður Derby, þurfti að fara meiddur af velli eftir þrettán mínútna leik. Varamarkvörðurinn Saul Deeney fór í markið en hann fékk rauða spjaldið eftir 40 mínútur.

Þá var miðjumaðurinn Roobie Savage látinn í markið en staðan var 2-1 þegar hann setti á sig hanskana. Savage fékk á sig tvö mörk í seinni hálfleiknum og úrslitin 4-1.

Gylfi Þór Sigurðsson og Ívar Ingimarsson léku allan leikinn fyrir Reading en Brynjar Björn Gunnarsson kom inn sem varamaður á 75. mínútu. Enginn af Íslendingunum var meðal markaskorara. Reading er nú í 17. sæti deildarinnar, stigi á eftir Derby.