Goðsögn Huddersfield segir að Jói Kalli verði frábær

Jóhannes Karl Guðjónsson á eftir að slá í gegn í ensku 1. deildinni í vetur. Þetta segir Andy Booth, goðsögn hjá Huddersfield.

Jóhannes þykir hafa farið vel af stað með félaginu og segist Booth vera mjög hrifinn af Skagamanninum. Huddersfield leikur í þriðju efstu deild.

"Stjórinn talaði um að koma með nokkra eldri og reyndari menn inn og Joey þekkir deildina vel," sagði Booth.

"Hann er sterkur í tæklingunum og sendur boltann vel, hann er einnig rólegur og skipuleggur miðjuna mjög vel. Hann er týpan sem maður sér talandi allan leikinn við aðra leikmenn en hann er líka snöggur róa menn niður."

"Það sást gegn Notts County þegar hann dró Gary Robert frá deilum sem hefðu annars endað með gulu spjaldi."

"Ég held að Joey verði algjörlega frábær fyrir okkur," sagði Booth sem lék yfir 400 leiki fyrir Huddersfield sem framherji og skoraði rúmlega 200 mörk.