Velkomin til Haítí

Í Port au Prince hefur þúsundum líka verið safnað í hauga víðsvegar um borgina. Þúsundir manna bíða eftir læknishjálp. Mikill skortur er á mat og vatni.

Í strandbænum Labadee um eitthundrað og fimmtíu kílómetra í burtu sitja ferðamenn í sólstólum á ströndinni og fylgjast með lúxus skemmtiferðaskipinu Mariner of the Seas sigla hægt og virðulega inn fjörðinn. Þetta er Haítí í dag.

Það hefur vakið talsverð viðbrögð að útgerðin Royal Caribbean skyldi ákveða að halda áætlun sinni til Haítí í ljósi þess sem þar hefur gerst og er að gerast.

Leslie Voltaire fulltrúi Haítí hjá Sameinuðu þjóðunum er þessu sammála. Í samtali við Fox fréttastofuna sagði hún; -Með tilliti til hins bága efnahags og þeim verkefnum sem við stöndum frammifyrir bjóðum við skemmtiferðaskipin velkomin með þá efnahagslegu umbun sem það færir landi okkar.