Ramsey lánaður til Nottingham Forest

Aaron Ramsey hefur verið lánaður til Nottingham Forest þar sem hann fær tækifæri til að koma sér aftur á skrið eftir að hafa tvífótbrotnað í leik með Arsenal á síðustu leiktíð.

Ramsey meiddist illa eftir tæklingu frá Ryan Shawcross í leik gegn Stoke í febrúar síðastliðnum. Hann spilaði í fyrsta sinn eftir meiðslin í vikunni með varaliði Arsenal.

Arsene Wenger, stjóri Arsenal, vill að Ramsey komi sér aftur í leikform hjá Forest.

„Það kom á óvart hversu vel honum gekk með varaliðinu en hann þarf nokkra leiki til að koma sér aftur almennilega af stað," sagði Wenger.