Beckham í góðum höndum fyrrum hnefaleikamanns

Dr. Sakari Orava er maðurinn sem valinn var til að framkvæma aðgerðina á David Beckham. Það var engin tilviljun sem réði því að hann fékk verkefnið því þessi Finni er einn sá virtasti í bransanum.

Orava fæddist árið 1945 og var læknir finnska Ólympíulandsliðsins. Hann var sjálfur íþróttamaður og keppti í hnefaleikum þegar hann var yngri.

Hann er með móttökur viða um heim, þar á meðal í Tyrklandi, Spáni og Ítalíu. Hann hefur meðhöndlað meiðsli margra þekktra íþróttamanna, þar á meðal Haile Gebrselassie og Merlene Ottey.

Þá hefur hann framkvæmt aðgerðir á Didier Deschamps og Josep Guardiola. Hann hefur lengi verið í samvinnu við læknalið AC Milan.