Diamanti á leið til Brescia

Ítalinn Alessandro Diamanti er væntanlega á förum frá West Ham en hann er í viðræðum við ítalska félagið Brescia.

Diamanti sló í gegn með West Ham í fyrra og skoraði sjö mikilvæg mörk sem áttu sinn þátt í að halda West Ham í úrvalsdeildinni.

Nýi stjórinn, Avram Grant, virðist þó ekki vera par hrifinn af leikmanninum og Diamanti hefur einu sinni komið af bekknum í fyrstu leikjum liðsins.

Diamanti var orðaður við Fiorentina fyrr í sumar en ekkert varð af því að hann færi þangað.

West Ham og Brescia hafa víst komist að samkomulagi um kaupverð. Diamanti er því að semja um laun við félagið.