Salan á Ronaldo það besta sem gat gerst fyrir Rooney

Fabio Capello, landsliðsþjálfari Englands, segir að Wayne Rooney sé klárlega í hópi allra bestu knattspyrnumanna heims.

Þessi 24 ára leikmaður hefur verið í frábæru formi með Manchester United í vetur.

„Það má alveg setja Rooney í sama hóp og Lionel Messi. Þetta eru báðir leikmenn sem allir vildu hafa í sínum röðum, eins með Cristiano Ronaldo," segir Capello.

„Wayne er magnaður leikmaður, mjög hæfileikaríkur og vill alltaf læra meira. Hann hefur lært mikið af Sir Alex Ferguson. Eftir að Ronaldo hvarf á braut hefur Rooney orðið enn kraftmeiri og fær að njóta sín enn betur. Þetta var það besta sem gat gerst fyrir hann persónulega."