Balotelli tryggði City sigur við hrifningu stjóra síns - myndband

Mario Balotelli byrjaði heldur betur vel hjá Manchester City. Framherjinn öflugi skoraði sigurmark liðsins gegn Timisoara í Rúmeníu í gær.

Hann skoraði markið af stuttu færi en það má sjá hér.

Roberto Mancini gat ekki annað en hrósað stráknum fyrir leikinn. Balotelli kostaði City 24 milljónir punda í síðustu viku.

"Hann átti frábæran fyrsta leik. Ég er ánægður með að hann skoraði, hann er góður leikmaður," sagði Mancini eftir sigurinn.

"Hann þarf að bæta sig eins og allir vita en þetta var í fyrsta skipti sem hann spilaði með liðinu. Við verðum að halda áfram að vinna með honum þar sem enska deildin er öðruvísi en sú ítalska," sagði stjórinn.