Rush: Gerrard og Torres gætu farið frá félaginu

Liverpool-goðsögnin Ian Rush spáir því að Steven Gerrard og Fernando Torres muni yfirgefa Anfield næsta sumar fari svo að liðinu takist ekki að tryggja sér þátt í Meistaradeildinni á næstu leiktíð.

"Það eru fjögur ár síðan félagið vann eitthvað. Leikmenn eins og Steven Gerrard og Jamie Carragher vilja ekki vera í liðum sem vinna ekkert. Það vill enginn heimsklassaleikmaður vera í slíku liði," sagði Rush.

"Þeir hafa alltaf viljað vinna deildina. Gerrard og Torres eru áfram hjá okkur en ef sömu vonbrigðin verða í ár og í fyrra þá munu þeir líta í kringum sig."

Rush segir einnig að félagið verði að kaupa fleiri góða leikmenn.