Neymar fer ekki til Chelsea - Guð gaf góð ráð

Neymar mun ekki ganga í raðir Chelsea. Þetta varð ljóst þegar hann skrifaði undir nýjan fimm ára samning við Santos.

Þetta eru mikil vonbrigði fyrir Carlo Ancelotti sem beið lengi eftir svari frá Brasilíumanninum unga um hvort hann kæmi til Englands eða ekki.

Hinn 18 ára gamla stjarna hélt fjölskyldufund og eftir að hafa hlustað á hana, og fengið ráð frá Pele og landsliðsþjálfaranum Mano Menezes ákvað hann að fara ekki.

"Ákvörðunin er alltaf hjá leikmanninum á endanum. Faðir minn vill alltaf það sem er best fyrir mig. Ég talaði við hann og ákvað að vera áfram hjá Santos," sagði Neymar.

"Peningar eru ekki allt. Ég er ánægður hérna og ég vil vera það áfram. Þetta var mjög erfið ákvörðun. En Guð gaf okkur góð ráð og kraftinn til að taka þessa ákvörðun," sagði Neymar.