Umfjöllun: Haukar unnu lokaleik sinn í Pepsi-deildinni

Haukar höfðu betur gegn Valsmönnum að Hlíðarenda í dag, 2-1, í lokaumferð Pepsi-deildarinnar. Fyrir leikinn var ljóst að Haukar væru fallnir úr deildinnni og Valur hafði að litlu að keppa. Þrátt fyrir það var boðið upp á prýðilegan knattspyrnuleik.

Haukar mættu ákveðnir til leiks og ætluðu sér greinilega að ná forystunni snemma í leiknum. Þeir fengu nokkur góð marktækifæri áður en Arnar Gunnlaugsson skoraði úr vítaspyrnu sem hann fiskaði sjálfur á 22. mínútu leiksins. Valsmenn fengu fá tækifæri í fyrri hálfleik en það sem rataði á markið endaði í höndunum á Daða Lárussyni, markverði Hauka.

Haukar tvöfölduðu forystu sína í upphafi síðari hálfleiks eftir laglega sókn. Magnús Björgvinsson geystist upp hægri kantinn og sendi boltann inn í teiginn þar sem Úlfar Hrafn Pálsson renndi sér eftir boltanum og kom Haukum í 2-0.

Við markið dró aðeins af Haukum meðan Valsmenn sóttu í sig veðrið. Sigurbjörn Hreiðarsson gaf Hlíðarendapiltum líflínu á 77. mínútu þegar frábært skot hans endaði í netinu. Valsmenn náðu hins vegar ekki að skapa sér fleiri marktækifæri í leiknum og Haukar enduðu því tímabilið með sigri.

Það hlýtur að vera forgangsmál fyrir Valsmenn að næla sér í markaskorara fyrir næsta tímabil því sóknir þeirra voru afar bitlausar og þeim vantar leikmann sem getur skapað mörk upp úr litlu. Haukar geta aftur á móti verið stoltir af þeim karakter sem liðið sýndi undir lok Íslandsmótsins. Liðið lék skínandi knattspyrnu og hefði átt að vinna stærri sigur í dag.

Haukar-Valur 2-1

1-0 Arnar Gunnlaugsson, víti (22.)

2-0 Úlfar Hrafn Pálsson (52.)

2-1 Sigurbjörn Örn Heiðarsson (77.)

Dómari: Erlendur Eiríksson 7

Skot (á mark): 8-10 (5-5)

Varin skot: Daði 4 - Kjartan 3

Horn: 1-1

Aukaspyrnur fengnar: 6-5

Rangstöður: 4-1

Haukar (4-4-2):

Daði Lárusson 7 - maður leiksins

Jamie McCunnie 5

Þórhallur Dan Jóhannsson 6

(75. Pétur Ásbjörn Sæmundsson -)

Kristján Ómar Björnsson 5

Daníel Einarsson 5

Úlfar Hrafn Pálsson 6

Hilmar Geir Eiðsson 5

(45. Hilmar Rafn Emilsson 5)

Guðjón Pétur Lýðsson 5

Ásgeir Þór Ingólfsson 5

Arnar Gunnlaugsson 7

Magnús Björgvinsson 5

(73. Hilmar Trausti Arnarsson -)

Valur (4-4-2):

Kjartan Sturluson 6

Stefán Eggertsson 5

Reynir Leósson 5

Atli Sveinn Þórarinsson 4

Þórir Guðjónsson 4

Rúnar Már Sigurjónsson 5

Sigurbjörn Hreiðarsson 6

Jón Vilhelm Ákason 5

Baldur I. Aðalsteinsson 5

Diarmuid O'Carroll 4

(45. Matthías Guðmundsson 5)

Guðmundur Steinn Hafsteinsson 5

Smelltu hér til að opna Boltavaktina og lesa lýsingu leiksins: Haukar - Valur.