Umfjöllun: Öruggur sigur hjá KR gegn Fylki

Lítið var undir fyrir leik KR og Fylkis í Frostaskjólinu í dag. Fylkismenn voru búnir að tryggja sæti sitt í deildinni en gátu þó með sigri lyft sér upp fyrir Stjörnuna ásamt því að KR var með nánast öruggt Evrópusæti en gátu tryggt það með sigri.

Leikurinn hófst rólega en KR skoruðu þó á 9. Mínútu og var þar að verki Egill Jónsson miðjumaðurinn ungi. Fyrirgjöf kom eftir stutt horn á Baldur Sigurðsson sem lagði boltann út á Egil og hann skaut frá vítateignum í fjærhornið eftir að Fjalar hafði haft hönd í boltanum.

KR ógnuðu með góðum skotum í fyrri hálfleik en náðu ekki að bæta við, Fylkismenn sýndu lítið fram á við en spurning er hvort þeir hefðu átt að fá víti þegar Tómas Þorsteinsson fór niður í teignum en Þóroddur Hjaltalín flautaði ekki.

Fylkismenn komu hinsvegar grimmir í seinni hálfleik og pressuðu KR vel og náðu að skora mark á 62. Mínútu en það var dæmt af, Andrés Már Jóhannesson skallaði þá áfram eftir að Valur Fannar hafði fleytt boltanum áfram en Þóroddur dæmdi brot á Val.

Það reyndist ansi dýrkeypt því KR brunuðu í sókn og skoruðu annað mark sitt, Bjarni Guðjónsson átti góða sendingu á Kjartan Henry Finnbogason sem sendi boltann fyrir og Guðjón Baldvinsson var mættur og setti boltann örugglega framhjá Fjalari.

Eftir þetta fór pirringur að komast í Fylkismenn og uppskar Ásgeir Börkur Ásgeirsson sitt þriðja rauða spjald í sumar þegar hann fékk sitt annað gula spjald eftir að hafa brotið á Bjarna Guðjónssyni.

Þá var þetta engin spurning og bætti Baldur við marki á 83. Mínútu þegar hann fékk góða sendingu inn fyrir, lék á Fjalar og virtist vera að missa boltann útaf en náði að renna sér í hann og setja hann í autt netið.

KR unnu því leikinn og gulltryggðu sæti sitt í Evrópudeildinni á næsta ári, spilamennska þeirra undir stjórn Rúnars Kristinssonar var allt annað heldur en framan af sumri og hljóta leikmenn KR að naga sig í handarbökin þegar þeir misstu öll þessi stig í byrjun. Fylkismenn hljóta hinsvegar að vera svekktir eftir frábært sumar í fyrra náðu þeir ekki að fylgja eftir og voru lengi í fallbaráttu en náðu stigunum og bíða því spenntir eftir næsta sumri.

KR 3 - 0 Fylkir

1-0 Egill Jónsson(9.)

2-0 Guðjón Baldvinsson(64.)

3-0 Baldur Sigurðsson( 83.)

Áhorfendur:  1111

Dómari: Þóroddur Hjaltalín 7

Skot (á mark): 12 - 9  ( 6- 4)

Varin skot: Lars Ivar Moldskred 4 – Fjalar Þorgeirsson 2

Horn:  5 - 5

Aukaspyrnur fengnar: 15 - 14

Rangstöður: 2 -8

KR (4-2-3-1 )

Lars Ivan Moldskred 6

Dofri Snorrason 6

(83. Auðunn Örn Gylfason)

Skúli Jón Friðgeirsson 7

Grétar Sigfinnur Sigurðarson 6

Guðmundur Reynir Gunnarsson 6

(83. Hróar Sigurðsson)

Egill Jónsson 7

Bjarni Eggerts Guðjónsson 6

Kjartan Henry Finnbogason 7

(84. Davíð Einarsson)

Baldur Sigurðsson 7 maður leiksins

Viktor Bjarki Arnarsson 5

Guðjón Baldvinsson 6

Fylkir (4 -5 -1 )

Fjalar Þorgeirsson 5

Ásgeir Örn Arnþórsson 5

(86. Ólafur Ingi Stígsson )

Kristján Valdimarsson 5

Þórir Hannesson  6

Kjartan Ágúst Breiðdal 5

Ingimundur Níels Óskarsson 4

Ásgeir Börkur Ásgeirsson 4

Valur Fannar Gíslason 5

Andrés Már Jóhannesson 6

(66. Andri Már Hermannsson 4)

Tómas Þorsteinsson 6

Jóhann Þórhallsson 4

(66. Friðrik Ingi Þráinsson 4)

Smelltu hér til að opna Boltavaktina og lesa lýsingu leiksins: KR - Fylkir.