Ásgeir Aron í HK

HK fékk liðsstyrk í dag þegar miðjumaðurinn Ásgeir Aron Ásgeirsson skrifaði undir þriggja ára samning við Kópavogsliðið. Hann kemur til liðsins frá ÍBV.

Ásgeir Aron er uppalinn hjá KR en hann gekk til liðs við Fjölni þegar hann var í 2. flokki. Þar lék hann í fjögur ár áður en hann fór til ÍBV.

Hann fékk lítið að spila með ÍBV í fyrra og þótti ekki standa undir væntingum.

Ásgeir Aron er sonur eins besta knattspyrnumanns Íslands fyrr og síðar, Ásgeirs Sigurvinssonar.