Enginn fundist eftir að farþegaferju hvolfdi í morgun

Enn hefur ekki tekist að finna neinn á lífi eftir að flutningskip og farþegaferja rákust á í skipaskurði um 10 km suður Amsterdam nú í morgun. Við áreksturinn hvolfdi ferjunni.

Ekki er vitað hve margir farþegar voru um borð í ferjunni og engar upplýsingar hafa borist um manntjón. Kafarar eru komnir á svæðið ásamt þyrlu sem útbúin er með hitaleitartækjum. Verið er að leita að farþegum.

Samkvæmt upplýsingum í hollenskum fjölmiðlum segja sjónarvottar að flutningaskipið hafi nánast siglt yfir ferjuna. Skipstjórinn á ferjunni er enn ófundinn þrátt fyrir mikla leit við flakið.

Skipstjórinn á flutningaskipinu er hinsvegar í yfirheyrslum hjá hollensku lögreglunni.

Um er að ræða litla ferju sem tekur 15 manns en hún er notuð til að flytja fólk og reiðhjól þess yfir skurðinn.