Tíu leikmenn á förum frá Man. Utd næsta sumar

Breska blaðið The Times segir að Sir Alex Ferguson, stjóri Man. Utd, ætli að hrista rækilega upp í leikmannahópi sínum næsta sumar og búist við því að tíu leikmenn fái að fjúka.

Á meðal þeirra leikmanna sem munu fara samkvæmt The Times eru Owen Hargreaves, Michael Carrick, Michael Owen, Wes Brown, Gary Neville og Ji-Sung Park.

Svo er óljóst hvað þeir Paul Scholes og Ryan Giggs gera.

Einhverjir leikmenn verða að koma í stað þessara leikmanna og þar er talað um Jack Rodwell hjá Everton sem og Jordan Henderson, leikmann Sunderland.

Einnig er David De Gea, leikmaður Atletico Madrid, sagður vera á óskalista Ferguson sem og markvörður Álasund, Anders Lindegaard.