McCarthy ánægður með að málinu sé lokið

Enska úrvalsdeildin ákvað að sekta Wolves um 25.000 pund fyrir að hafa teflt fram hálfgerðu varaliði í leik sínum gegn Manchester United í desember.

Knattspyrnustjórinn Mick McCarthy gerði þá tíu breytingar á byrjunarliði sínu sem hafði unnið Tottenham 1-0 þremur dögum áður. Eftir leikinn gegn United kallaði McCarthy síðan á níu leikmenn sem léku gegn Tottenham aftur í liðið og unnu Úlfarnir þá Burnley 2-0.

Úlfarnir töpuðu 3-0 gegn United á Old Trafford. „Ég sætti mig við þessa ákvörðun deildarinnar. Það var aldrei mín ætlun að brjóta neinar reglur, aðeins velja lið sem var í bestu stöðunni til að ná góðum úrslitum. Ég fagna því að þessu máli sé nú lokið," sagði McCarthy.