Þrettán ára á Everest

Þrettán ára gamall drengur frá Bandaríkjunum er yngsta manneskja til að komast á topp Mount Everest fjallsins, að því er fjölskylda hans segir í viðtali við breska ríkisútvarpið.

Jordan Romero frá Kaliforníu kleif þennan hæsta tind veraldar með föður sínum og þremur leiðsögumönnum. Fyrra metið á 16 ára gamall drengur frá Nepal. Jordan hefur nú klifið upp á topp hæstu fjalla í sex heimsálfum af sjö. Hann var aðeins tíu ára þegar hann komst á topp Kilimanjaro í Afríku.