Stirt samband milli Anelka og Drogba?

Kevin Davies, fyrirliði Bolton, telur sig hafa tekið eftir því að samband sóknarmannana Didier Drogba og Nicolas Anelka hjá Chelsea sé stirt. Bolton og Chelsea mætast í ensku úrvalsdeildinni á morgun.

„Það er mjög erfitt að lesa Anelka enda mjög flókinn persónuleiki. Það virðist samt eitthvað vera í gangi í samskiptum hans og Didier Drogba. Ég er ekki viss um að þeim komi vel saman," segir Davies.

„Það virðast ekki vera störk bönd milli þeirra þegar þeir spila saman. Það er allt annað að sjá Nicolas þegar hann er einn frammi. Hann er frábær leikmaður og getur búið til eitthvað úr öllu. Í augnablikinu skynja ég þó að hann sé ekki ánægður."