Ástralar reka Ísraelskan diplótama úr landi

Ástralska ríkisstjórnin hefur rekið ísraelskan diplómat úr landi vegna ásakanna um að ríkisstjórn Ísraels hafi falsað ástralskt vegabréf. Vegabréfið var falsað í þeim tilgangi að koma morðingjunum, sem myrtu leiðtoga Hamas samtakanna í Dubai fyrr á árinu, inn í landið.

Áður hefur breska ríkisstjórnin gert slíkt hið sama en talið er að ísraelska leyniþjónustan standi á bak við morðið á Mahmoud al-Mabhouh í Dubai í janúar.

Morðingjarnir voru með fölsuð vegabréf frá hinum ýmsu ríkjum, meðal annars Bretlandi og Ástralíu.

Utanríkisráðuneyti Ísraels hafa lýst yfir vonbrigðum með ákvörðun Ástrala. Ísraelar hafa aldrei játað að hafa staðið á bak við morðið. En að sama skapi hefur því ekki heldur verið neitað.