Jafnt hjá Burnley og Stoke

Einn enskur úrvalsdeildarleikur fór fram í skugga Meistaradeildarinnar í kvöld. Burnley og Stoke City gerðu þar jafntefli í ekta breskum baráttuleik 1-1.

Tuncay Sanli kom Stoke yfir í fyrri hálfleik með skalla í kjölfarið í einu af margfrægum löngum innköstum Rory Delap.

David Nugent jafnaði í 1-1 sem urðu lokatölurnar. Þetta var fyrsta stig Burnley í fimm leikjum. Burnley er enn í fallsæti, situr í 18. sætinu með 24 stig. Stoke situr í 11. sætinu með 35 stig eftir þessi úrslit.