Brasilíumaðurinn Sandro lætur ekki sjá sig hjá Spurs

Tottenham keypti Brasiliumanninn Sandro frá Internacional í mars síðastliðnum. Leikmaðurinn átti að koma til félagsins í síðustu viku en hefur ekki látið sjá sig.

"Höfum við virkilega keypt þennan mann? Ég hef ekki enn séð hann þó svo hann eigi að vera kominn," sagði Harry Redknapp, stjóri Spurs.

Sandro fékk leyfi til þess að klára Copa Libertadores-keppnina með Nacional en liðið vann einmitt þá keppni.

Leikmaðurinn á að mæta í æfingabúðir með brasilíska landsliðinu á Spáni í upphafi næsta mánaðar.

"Ég þarf kannski að fara til Barcelona í nokkra daga til þess að sjá hann. Kannski tek ég konuna með mér," sagði Redknapp léttur.