Pabbi Playboykanínu ekki ánægður með Ashley Cole

Ashley Cole, bakvörður Chelsea, er ekki af baki dottinn í kvennamálunum þó svo að hjónaband hans við Cheryl Cole hafi sprungið í loft upp.

Cole er þessa dagana að slá sér upp með Playboybombunni Kayla Collins sem er 23 ára gömul.

Faðir Kayla gaf grænt ljós á sambandið í fyrstu en hefur nú dregið stuðning sinn til baka eftir að hafa lesið um Cole á netinu. Hann ku ekki hafa verið par hrifinn eftir að hafa lesið um kvennaævintýri bakvarðarins.

Hin fjölhæfa Kayla hefur annars nóg að gera þessa dagana en hún er stödd í einhverjum frumskógi sem stendur þar sem hún tekur þátt í raunveruleikaþætti.