Sneijder vill fara til Man Utd

„Wesley vill spila fyrir Manchester United og ætti að láta draum sinn rætast," segir fjölskyldumeðlimur Hollendingsins Wesley Sneijder í samtali við The Daily Star.

Sneijder hefur farið á kostum með Hollandi á heimsmeistaramótinu í Suður-Afríku og fréttir borist af áhuga Manchester United á leikmanninum.

Sneijder varð þrefaldur meistari með Inter á Ítalíu síðasta vetur og getur bætt við öðrum verðlaunapeningi í kvöld þegar hann verður í eldlínunni á úrslitaleik HM. „Hann varð fyrir miklum vonbrigðum með að hafa ekki átt þann kost að fara til United þegar hann yfirgaf Real Madrid fyrir rúmu ári," er haft eftir fjölskyldumeðlimnum.