Skíðasvæði opin

Opið er í Bláfjöllum, skíðasvæðinu í Tindastól og í Hlíðarfjalli á Akureyri í dag. Í Bláfjöllum er opið frá klukkan 10 til 17. Þar er veður gott, mínus hálf gráða, heiðskýrt og fallegt veður. Skíðasvæðið í Tindastól opnar klukkan 11 og lokar klukkann 16 en þar er fimm stiga frost og hægviðri. Í tilkynningu frá Skagafirði segir að sést hafi til tófu að rölta í samkeppni við rjúpnaveiðimenn þannig að dýralífið sé ágætt og aðstæður á svæðinu hinar bestu. Hlíðarfjall á Akureyri opnar nú klukkan 10 og er opið til 16.