Ferguson segir Anderson að þroskast

Sir Alex Ferguson segir að Anderson þurfi að þroskast ef hann ætlar að slá í gegn hjá Manchester United. Hann hefur verið í þrjú ár hjá félaginu en hefur engan veginn réttlætt 18 milljón punda kaupverðið.

Anderson er 22 ára en Ferguson segir að hann sé ekki enn búinn að sætta sig við hvernig liðið er notað af stjóranum. Hann hefur aðeins skorað eitt mark fyrir United.

"Hann hefur frábæran persónuleika og hann elskar fótbolta. Hann vill spila og æfa á hverjum degi," sagði Ferguson.

"Vandamálið er að hann hefur ekki þroska í að skilja hvernig liðsvalið fer fram. Þegar hann skilur það verður hann frábær fyrir okkur. Hvort hann geti breytt hugarfari sínu er erfitt að segja," sagði stjórinn sem þolir ekki leikmenn sem heimta að spila hvern einasta leik.