Capello brjálaður út í The Sun

Fabio Capello, landsliðsþjálfari Englands, er algörlega brjálaður yfir því að hafa verið kallaður "Jackass" í enskum fjölmiðlum.

The Sun birti fyrirsögnina Jackass og blaðið lét einnig útbúa mynd af honum með asnaeyru. Í greininni var hann síðan kallaður donkey og silly ass.

Capello er svo reiður yfir þessari persónulegu umfjöllun að hann íhugar alvarlega að mæta ekki á blaðamannafundi á næstunni.

"Ég hef aldrei séð Capello eins reiðan á ævinni. Hann brjálaðist er hann sá Jackass-fréttina. Þvílíka vanvirðingu hef ég líka aldrei áður séð," sagði ónefndur samstarfsmaður Capello til margra ára.