92 ára kona myrti 98 ára gamlan eiginmann sinn

92 ára gömul áströlsk kona hefur verið ákærð fyrir að myrða manninn sinn sem var 98 ára. Lögreglan fór á heimili hjónanna eftir að ættingjar þeirra höfðu lýst áhyggjum sínum yfir heilsu mannsins.

Þegar lögreglumennina bar að garði fundu þeir lík gamla mannsins liggjandi á gólfinu og hafði hann verið barinn í höfuðið. Konan var handtekin á staðnum og eftir yfirheyrslur var ákveðið að ákæra hana fyrir morð.

Ekkert liggur fyrir hvað olli því að konan ákvað að koma eiginmanninum fyrir kattarnef. Líklegt verður að teljast að konan eigi nú eftir að eyða því sem eftir ævi sinnar á bak við lás og slá.