Benítez: Var erfitt að skapa færi

„Þetta var erfiður leikur og svekkjandi hve erfiðlega gekk að skapa færi," sagði Rafa Benítez, stjóri Liverpool, eftir markalausa jafnteflið við Manchester City í dag.

Hann fagnaði endurkomu Yossi Benayoun og Fernando Torres af meiðslalistanum. „Þeir tveir hafa reynst okkur ansi mikilvægir í fortíðinni og það er frábært að fá þá aftur," sagði Benítez.

„Við gáfum þeim engin færi og þeir gáfu okkur engin færi. Þetta eru því sanngjörn úrslit," sagði Roberto Mancini, stjóri City, sem var án Carlos Tevez í dag.

„Ég veit ekkert hvar hann er. Ég held að hann sé í Argentínu. Ég býst við honum aftur eftir tvo daga, ég þarf á honum að halda. Þegar ég heyrði í honum fyrir þremur dögum sagði hann að það væru einhver fjölskylduvandamál en þau eru nú að baki," sagði Mancini. Tevez flaug til heimalands síns þar sem eiginkona hans eignaðist barn þeirra fyrir tímann.