Redknapp: Góð frammistaða á slæmum velli

„Ég er verulega sáttur við okkar frammistöðu, sérstaklega þegar mið er tekið af vallaraðstæðum sem voru mjög erfiðar," sagði Harry Redknapp, knattspyrnustjóri Tottenham, eftir að hans lið vann 3-0 sigur á Wigan.

Jermain Defoe kom Tottenham yfir í fyrri hálfleik en mark hans átti reyndar aldrei að standa þar sem hann var rangstæður. Varamaðurinn Roman Pavluychenko skoraði síðan tvívegis í seinni hálfleik.

„Mér er alveg sama þó að Defoe hafi átt að vera dæmdur rangstæður. Ég fagna því að Pav hafi náð að skora þessi tvö mörk. Þegar hann hugsar um að spila fótbolta og leggur sig allan fram þá er hann í hæsta klassa," sagði Redknapp.